بما انو حاليا رمضان و اجازه الصيف ف دا موسم التسوق بلا منازع حبيت اذكرلكم تجربتي مع التسوق المريح مع شوب بوب
انا مره حبيت خدمتهم ليش حبيتها دحين حقولكم
- اول حاجه واحلى ميزه انو التوصيل مباشره للبيت ماتحتاجي موقع شحن وسيط
- التوصيل مجاني
- انو لو لاسمح الله ماقدرتي تستسلمي شحنتك لاي سبب تعاد الشحنه للموقع وترجعلك فلوسك كااامله
- خدمه العملاء عندهم اكثر من ممتازه بس ترسلي الايميل يردو عليكي ف وقت جدا قياسي
- كل اللي عليكي تعمليه تسجلي عنوانك وتتاكدي انو رقم جوالك صحيح وحتوصلك الشحنه لحد باب البيت
- الموقع يعرض الاسعار بالريال السعودي
ايش اشتريت ؟
اغراضي اللي اشتريتها كانت مقسمه ل ثلاث شحنات
الشحنه الاولى تحتوي على
- كوب
عجبني عجبني عجبني طبعا العباره اللي عليه هيا اللي حبيتها
مكتوب عليه : اعجب به ف وضع فيه خاتماً 💛
- كتب
كتاب عن التخرج وكتاب للعرايس اخدتهم عشان حسيت اني ابغا اقرا عن المرحلتين الانتقاليه اللي بمر فيها ف حياتي حاليا
- برا
عجبتني لانها متعدده الاستعمالات تتلبس مع فساتين الظهر النازل او الشفاف او
ف حقيقي هادي البرا لازم تكون ف دولاب كل امراه
شوفوها ف الموقع افضل
- اندر ويرز
اللي يميزها انها بدون حدود ف جدا مفيده خصوصا مع الملابس الضيقه او الحرير لانو بيتكرر علينا منظر حدود الملابس الداخليه اللي شكلو مزعج للعين
- حافظات للملابس الداخليه
وحده للملابس اللي تحتاج غسيل ووحده للملابس النظيفه جدا مفيده ف السفر
الشحنه الثالثه تحتوي على
- قاروره مويا
رابط المنتج
انا اخدت الكريمي مع انو الذهبي مره كان عاجبني بس للاسف مخلص من كل مكان :(
و هادي اشكال المق اللي عجبكم ف سناب برضو من كيت سبيد
- اجنده ٢٠١٧
اللي متابعتني من فتره طويله عندها فكره قد ايش انا مهووسه بالاجنده ٫ وكل سنه بجرب اجنده من شركه جديده ف السنه دي كنت مقرره اني اجرب كيت سبيد نظرا ل هوسي الشديد ب منتجاتها وحكتبلكم ريفيو مقارنه بين الاجنده اللي جربتها عشان اللي تبغا تشتري من دحين ٫ لانو نهايه السنه ف الغالب حتلاقو الاجنده الجميله مخلصصه
الاجنده الجديده اللي اخدتها ب سلك لاني حسيت انها اريح ليا من اللي بدون سلك
- فليب فلوب
بما انو الصيف قادم ونحتاجها بقوه خصوصا عند البحر ٫ حبيت اشتري دي خصوصا انو شكلها مميز والوانها تمثلني و مناسبه ل شهر العسل
وبكدا خلصنا مشترياتي من شوب بوب ٫ كمان عندهم ملابس جميله و شنط بس انا للاسف لحد الان مني قادره اكسر الحاجز اللي عندي واشتري ملابس اون لاين ٫ احب اشوف الملابس وامسكها واقتنع بيها بعدين اخدها
بس اللي عندها الجراه حقيقي جدا انصحها لاني شوفت كذا بلوقر بيشترو منهم اشياء جدا جميله
1 التعليقات:
تدوينة المشتريات هي تدوينتي المفضلة 😍 مرة أستمتع وأنا أشوف اختياراتك ✨
كالعادة كل شي جميييل ، تتهني فيها يارب ❤️
إرسال تعليق