بعد شهر من الكيراتين
الأسبوع الاول :
كل شي كان طبيعي وفرحانه بشعري الحريري 👸
الأسبوع التاني :
1. ظهرت قشره بطريقه تخوف مره كتيره بس لمن بحثت وسالت الصالون قالولي طبيعي انو تظهر قشره ف البداية واستخدمت شامبو للقشره مره ف الاسبوع وخفت للقشره بس موجوده
2. فكرت استخدم اي شامبو وبلسم فيلو كيراتين قلت ممكن يأدي غرض بس لمن جربت صار جفاف مو طبيعي لشعري (مع الكيراتين ماينفع استخدم اي كريم وزيوت لأنو يسحب الكيراتين ) ف الأشياء اللي كان مسموح ارطب شعري بيها ماحسيتها انها بتادي الواجب
الأسبوع التالت :
1, رجعت الصالون واخدت الشامبو والبلسم حق الكيراتين ف لمن غسلت شعري وحطيت البلسم حسيت شعري اترطب وصار أحسن من اول كتير
2. القشره خفت مره كتير بس مااختفت
3.بدا شعري يتكسر بكميه قليله
الأسبوع الرابع والخامس :
1.اختفت القشره
2. شعري بدآ يتكسر اكتر اتفجعت مره مع اني محافظه على ترطيبو
الأسبوع السادس والسابع :
1. حسيت اني حزنت على شعري ف قولت لازم أدور على وسائل ترطيب ف رحت (نزيه ) شوفت ماسك للشعر المعالج بالكيراتين ف اخدتو يتحط بعد البلسم سعرو تقريبا 30SR وحقيقي حسيت بفرق خف التكسر بشكل ملحوظ حمدولله 😌
الاسبوع التامن :
ما صار يتكسر أبدا حمدولله بس في تساقط يصنف طبيعي نوعا ما حمدلله واختفت المشاكل كلها حمدالله ومشي الحال
أشياء استفدت منها ف تجربتي الاولى للكراتين :
لازم نستخدم الشامبو والبلسم اللي مع الكيراتين
مسموح استخدام كل انواع السيروم وممنوع استخدام اي نوع من الكريمات والزيوت
لازم آلترطيب على طول عشان الشعره ماتتكسر ب سبب الجفاف
هل ح أعيد الكراتين مره تانيه ؟! للامانه ايوا لأنو مره ريحني وصرت اتحكم ب شعري زي ما ابا واسوي اي شي يخطر ف بالي بدون ما أشيل هم انو ينفش او يتجعد او اي شي
الشي الوحيد اللي ممكن اغيرو الصالون مو عشان سيئين بس حسيت اني ابا عنايه ومتابعه اكثر 👧 وبس
0 التعليقات:
إرسال تعليق