salon rosel

انا اول مره اروح لصالون روزيل شوفت شغلهم ف انستقرام وقولت يلا نجرب 😺 وكنت ابا اعمل تركيب رموش دائمه (تقعد شهر )فقولت يلا خليني اجرب ف لمن جربت ايش صاار ؟؟

وقت التركيب عيوني صارت تحرقني ف بقولها قالتلي لا طبيعي قولت يمكن نوعيه الغرا يحرق وقت التركيب 

وبس خلصتلي التركيب النتيجه عجبتني بس حاسه بتقل في عيوني المهم قولت يلا استحمل اللي يبا الدحا مايقول احا المهم حاولت اني اتاقلم معاها ععشان تاني يوم عندي مناسبه ونومت بيها لمن صحيت جفني اتنفخ ويالمني وحاولت البس عدسات ف بتحرقني ومني مرتاحه ابدا المهم ف الأخير فكيتها تاني يوم من تركيبها ومامرت عليها اربعه وعشرين ساعه ف عيني

ف للاسف كانت تجربه جداً سيئة .. وللتنبيه  تركيب الرموش عندهم ماعجبني هادا ما يعني كل الخدمات الباقيه عندهم سيئه بالعكس ممكن يكونو كويسين ف شي تاني انا ماجربتو 

و للعلم تركيب الرموش عندهم ب ٢٠٠ ريال "الشهرية "

Read More

Estée Lauder bag

ايش في الشنطه ؟

1.باليت ظلال فيلو 18 لون

2.باليت بلشر فيلو ٣ ألوان وبرونزر

3.قلوس

4.كحل اسود جاف

5.مسكره سودا 

6.مزيل مكياج 

ايش عجبني فيها ؟؟

انا اول مره اجرب مكياج إستي لودر ف شوفت الشنطه وفيها الاشياء دي ف قولت خليني أخدها و بصراحه كمان شكل العلب لفتني لاني اعشق الدهبي 😃" عندي مشكله مع أشكال وألوان العلب هههه "

المهم 

ايش عجبني فيها ؟!

عجبتني ألوان الظلال والبلاشر يعني موفرين فيها الألوان الاساسيه اللي تتماشى مع كل الوان البشره حتى ألوان الارواج هاديه وتمشي مع اغلب الناس

ايش ماعجبني ف استخدامها؟؟

اول شي الارواج صح ألوانها حلوه بس ماتثبت كل شويا يتمسح وترجعي تحطي 😠 طبعا مو حال بس لما أحط القلوس فوقها تثبت نوعا ما 

تاني شي المسكره مره ماعجبتني فرشتها حسيتها سوتلي كارثه ف رموشي .. ف طبعا ماحرميها ف سرت أحط منها بس استخدم فرش مسكرات قديمه عندي 

من فين اشتريتها ؟

انا اشتريت الشنطه من باريس قاليري ونسيت سعرها من للاسف بس شوفت بعض التاجرات يبيعوها ف انستقرام ف قولت انزل الريفيو يمكن يفيد احد لانو حرام احد يشتري شي ب مبلغ وقدره و الأخير يطلع شي مايعجبو

صح كمان جا مع الشنطه عطر بس مااعرف فينو لانو ريحتو مره بشعه ماعجبتني للاسف 

وسلامتكم 😅

Read More

Lumigan eye drops for "long eyelashes

لاتيس" قطره تطول الرموش لدرجه انك تستغني انك تحطي مسكره ف طبعا انا مره انبسطت واتحمست اجربها😻 .. بس  المشكله انو قطره لاتيس مهي موجوده ف صيدليات السُعوديه بس كان في قطره بديله بنفس المكونات وتسوي نفس وظيفه لاتيس اسمها "لوميجان" ف رحت اقرأ عنها وأشوف تقييمات الناس لها ف ايش عرفت لمن قريت ؟!

القطرتين هادي تستخدم للناس اللي عندهم مويا زرقا و ضغط عين عالي ف وظيفتها انها تسحب السوائل الزائده في العين  

و من ابرز الأشياء اللي ممكن تسويها (الهالات السودا) 

المهم قررت اجربها ف بدات احطها كل يوم ف الليل واستمريت لمده اسبوعين (المفروض انها تنحط لمده 6 أسابيع ) بس انا ماقدرت اكمل ليش؟!!

صح رموشي طولت بشكل ملاحظ خلال الأسبوعين اللي استخدمتها بس الهالات السودا لاتطاق كل يوم اشوف الهالات بتزيد لدرجه صرت لمن اطالع ف المرايه احس كأني لابسه نضاره سودا حول عيوني 💔 بالاضافه لكدا في بدايه استخدامي القطره رموشي صارت بـ تطيح (بس لمن قريت اللي استخدموها الفتره كامله يقولو انو بس في البدايه تطيح وبعد كدا توقف)

بس انا عشان ماقدرت اكمل بسبب النضاره السودا

 

 لاحظو في الصوره انو الرموش طولت بس قبل لا تبدأ تستخدم القطره فوق الرموش ف الجفن المكان مسود

ليش استخدمتها وانا اعرف انها تسوي هالات سودا ؟!!! بصراحه استهونت بموضوع الهالات كنت احسب انها بسيطه مره وقدر أتخلص منها بسرعه

ايش سويت ؟!

بعد ماوقفت عن استخدام القطره طبعاً لازم أتعامل مع الاثار الجانبيه اللي سوتلي هيا ف استخدمت "advanced night repair eye " من "Estée Lauder " طبعا هوا زي الجل للهالات السودا والحمد لله راح السواد

وصرت استخدم "نظاره الجل" هيا نضاره مليانه جل تستخدم زي الكمادات للوجه ممكن تستخدميها كا كمادات بارده او دافيه دي النضاره من الأشياء اللي انا اقدرها حقيقي 

الخلاصه انو القطره فعلا تطول الرموش بشكل ملاحظ بس الهالات السودا لا تطاق ومنظرها مره سيئ و كمان بمجرد ماتبطليها الرموش حترجع طبيعيه زي ما كانت وكأنك يابو زيد ماغزيت ف انا ما انصح بالقطره دي ابداً

Read More

What I bought from loccitane

اول شي نبدأ ب لوكستيان المحل دا انا عشقتو عشق أبدي عشان المنتجات حقتو بمجرد مااستخدمها على طول الاحظ الفرق على بشرتي 

اشتريت تلاته منتجات مكمله لبعض بصراحه انا من وقت ماجربتها ف المحل النتايج مره عجبتني ولما رجعت واستخدمتها ع جسمي (وقعت ف حبها ) :)

هادا زيت الاستحمام باللوز بمجرد مايتحط عليه مويا يتحول لرغوه  L'OCCITANE ALMOND SHOWER OIL

ودا مقشر مره لطيف وجميل بـ زبده الشيا يرطب الجسم وينعمه بشكل خورافي خصوصا للبشره الجافة

 L'OCCITANE ULTRA RICH BODY SCRUB

هادا كريم بزيت اللوز وحليب اللوز ينعم البشره  L'OCCITANE ALMOND MILK CONCENTRATE

L'OCCITANE ULTRA RICH BODY SCRUB

L'OCCITANE ALMOND SHOWER OIL

L'OCCITANE ALMOND MILK CONCENTRATE

كيف استخدمتها ؟!

اول شي حطيت المقشر" L'OCCITANE ULTRA RICH BODY SCRUB " وبعد كدا حطيت فوقو الزيت "L'OCCITANE ALMOND SHOWER OIL " وبعد كدا تفركيه ع الجسم  ولازم يتم التركيز على مناطق الاحتكاك ف الجسم (الركب ، مفاصل اليدين ) لانها عاده تكون أغمق من لون البشره والتقشير يساعد ف توحيدها بلون البشره وبعد كدا تشطفي جسمك وبعدها بعد ماجففت جسمي استخدمت "L'OCCITANE ALMOND MILK CONCENTRATE" ودا يرطب الجسم بشكل عجيب وجميل جداً والنتيجه ولا أجمل :D

حطيت روابط المنتجات من موقع لوكستيان عشان تشوفو معلومات زياده ع المنتجات 

وكريم تبييض اليدين من لوكستيان الكريم مره انتشر وكتير قالو انو كويس بس بما اني دوبي بدأت استخدمو ف بستنا أشوف النتائج وبعدين حقولكم تجربتي بس الميزه انو فيلو واقي من الشمس  

وكل عام وانتو بخير ربي يجعلها سنه جميله ع الجميع يارب ❤️

Read More

Make your shopping easier

كتير من المحلات عملت تطبيقات في الابل ستور والابليكيشن مره مفيدة في أشياء كتير من ضمنها انو الكولكشن الجديده تنزل ف الابليكشن قبل لاتنزل عندنا ف الاسواق ودي الميزة انك تقدري تختاري الأشياء اللي عجبتك وتتصلي بيهم تسالي عن المجموعه اذا وصلت ولا لا او تتركيلهم رقمك وهما يتصلو عليكي اول ماتوصل  " وبكدا نلاقي مقاسنا ونشتري اي شي عجبنا اول الناس لأني اعرف الشعور لمن شي يعجبني ومافي مقاسي 😿 طبعا شعور مره سيئ "

تاني شي ان اغلب التطبيقات تقولك فين الفروع اللي قريبه منك ف تقدري تختاري اقرب فرع لكي 

ودي صوره لمجموعه لل تطبيقات اللي عندي حقت المحلات

كمان لاتنسو لمن تروحو اي مكان تسجلو ايميلكم ورقمكم عشان يبلغوكم بـ التخفيضات و الكوليكشن الجديده اللي بينزلوها

وبالنسبه لمنتجات العناية بالجسم " ف الوقت الحالي كترو البلوقرز وكل وحده بتقولنا تجربتها وايش ناسبها وتمدح ف المنتج  لانو ناسب بشرتها طبعا لمن احد يمدح ف شي طبيعي اننا نتحمس نشتريه بس لمن نشتريه مايناسب بشرتنا :( ودا شي مو كويس طبعا لأننا ضيعنا فلوسنا ع الفاضي " ف الحل انو قبل لاتشتري اي منتج للبشره تدخلي موقع الشركه وتشوفي مكونات المنتج وهوا لأي نوع من البشره وايش مكوناته  هل في شي من المكونات بشرتك تتحسس منو ولا لا ؟! بعدين تروحي تشتريه وضميرك مرتاح " :) 

مثلا زي هنا موقع" لوكستيان او لاش"  فيلو كل المعلومات عن اي منتج وتقدري تختاري اللغة اللي تبغيها عربي او انقليزي وكمان بسهوله تقدري تعرفي فين الفروع اللي ف مدينتك وممكن تسجلي ايميلك عشان يرسلولك المنتجات الجديده او العروض اللي عندهم

موقع لاش اضغطي هنا 

موقع لوكستيان اضغطي هنا 

لوكستيان كمان لو ابليكيشن ف الابل ستور  بس الابليكيشن مايدعم اللغة العربيه وانا جبت المحلين دي ك مثال لانها الأكثر انتشار ف المجتمع لكن كل الشركات والمحلات لها مواقع خاصه بيها 

Read More

Katy perry lashes

انا جربت الرموش دي ومره عجبتني من ناحيه انها سهله التركيب خصوصن للي أول مره تركب رموش لنفسها وكمان وشكلها ع العين مره عجبني والكولكشن عباره عن اربعه رموش "OH MY!, COOL KITTY, SWEETIE PIE & OH HONEY!" 

Sweetie pie

Oh honey ! 

"Oh honey and sweetie pie " رموش مره خفيفه ومظهرها طبيعي ع العين كانو رموشك طويله او حاطه مسكره ف برأيي تنفع 

لأي زمان ومكان  ( لمن استخدمتها كتير سألوني عن نوع المسكره اللي حاطتها ولا هل انا مركبه رموش بالحبه )  ف انا مره أحب الاتنين دي <3 

"Cool kitty" أكثف من الاتنين اللي قبلها وبرأيي انها مثاليه ف السهرات 

"Oh my " عباره عن طبقتين من الرموش  ف هيا اكثف وحده ف المجموعه وبرأيي انها ماتنفع مع اي مكياج لانو يبالها مكياج شويا تقيل 

"الغرا" حقها انا مره عجبني لانو بس تحطيه الرموش تثبت طول الوقت الين ماتفكيها ودا شي مره حلو لانو ف الغالب الرموش تتفك وخصوصا من قدام وشكلها يصير مره بطال .. انا عاده ما استخدم اي غرا يجئ مع الرموش استخدم غرا خارجي بس دا اول واحد استخدم وحقيقي حبيتو

من فين اشتريتها ؟!!

في ف " نيولوك " وكليرز " وسعر الوحده اعتقد 45 او شي كدا مني متزكره المهم مايتعدا ال 50 وسعرها يعتبر جداً كويس مقارنه بالرموش الكويسه التانيه 

ودا فيديو عن الرموش وهنا استخدمت "sweeti pie " شوفو كيف شكلها طبيعي ع عيونها 😻

Read More

La vie est belle purfum

 "الحياه حلوه" عطر من "Lancôme" نزل ف الاسواق من 2012 حقيقي عطر جميل جداً .. اكثر شي عجبني فيلو انو مركز يعني ريحتو تقعد يومين تقريبا " كل مااشمها احس اني فرحانه 😃" 

الوجه الاعلامي للعطر المممثله "Julia Roberts" اللي بتمثل الجمال الطبيعي والبساطه ف المرأه 

جربوه وشوفو كيف "الحياه حلوه " 💕

Read More

Too faced brushes

الخمسه الفرش الاساسيه مجموعه من ماركه "too faced " شكلها مره جميل ونعومتها اجمل أخدتها من " سيفورا " 

1.pouder brush

2.blending fluff brush

3.angled eye shadow brush

4.small crease brush        

5.angled liner liner / brow brush

Read More