عادالسنه دي يوم البلاك فرايدي النت ف البيت كان معلق ومابيشتغل 🌚
بس عادي استنيت لتاني يوم الصباح واشتريت 😹
صح زعلت نفس اليوم بس الحمدلله مشي الحال ✋🏾😃
مااشتريت من مواقع كتير ، بس حمدلله اشتريت أشياء كانت ف لستتي 🤓
مشتريات سيفورا :
من توفيسد الباكيج دا شكلو لوحدو فتنه 💗✨✨✨✨✨✨✨✨✨✨✨
ومعاه برايمر وملتيد ومسكرا ✨
وكمان البكيج التاني اللي أخدتو من لوكسيتان
فيلو افضل منتجات لوكسيتان ب احجام صغيره ✨ طبعاً انا اعشق منتجاتهم ، وان شاء الله حعمل بوست تفصيلي عن منتجاتهم اللي احبها
والموقع التاني اللي اشتريت منو هوا نورد ستورم :
اخدت اول شي فرشاه كليراسونيك ميا ١
وكمان اخدت الكريم و جل الاستحمام ل عطري المفضل وجات علبه صغيره من نفس العطر مناسبه للشنطه ، لانو العطر الأصلي علبتو كبيره وجدا تضايق 😄
بحجم صغير ✨
ومن لايم كرايم : اخدت البكيج اللي المفروض لميتد اديشن عباره عن تلاته ارواج وانا حبيت لون واحد منهم واخدت البكيج عشانو ، مع انو اللونين التانيه ماهي عاجبتني 🌚
وللاسف نفس اليوم اللي وصلني الروج ألاقي انو لايم كرايم منزله الروج لوحدو 👿
هادا الروج اللي اسرني ✨
دي التلاته الألوان اللي اخدتها يعني اللي على بيج اقدر الخبطو مع ارواج ، بس التركواز 😅 مدري ايش اعمل بيه
وكمان اخدت روج مفرد اسمو JINX 🍆✨
هادي اسماء الارواج الاربعه ✨
ومن باندو :
أخدت استيكرات للاجنده حقتي 🌟 بالنسبه ليا الاستيكرات كأنها emoji ف الاجنده تعبر عن مشاعري وشكلها جميل ✨
وكمان اخدت سلك شاحن للايفون ، حبيت لونو الذهبي وشكلو كمان وانو طويييل 👍🏾
ومن ذَا بالم :
لونو فنااااان ع البشره السمرا والحنطيه ✨حقيقي زعلت اني ماجربتو من زماااان 🙅🏽
ومن تارت :
قلم للكنتور شوفت قبل فتره هدى بيوتي اتكلمت عنو ف طلبتو ومره حبيت لونو عليا وحبيت كمان انو عملي وبسرعة يندمج 👍🏾
بس للاسف عيبو انو يخلص بسرعه اشتريت اتنين منو وحدور بديل لو ان شاء الله 〰
وبكدا خلصنا الاشياء اللي أخدتها اون لاين ف البلاك فرايدي 🙅🏽✨
هل انبسطو السنه دي بتخفيضات البلاك فرايدي واللي بعدها ، وهل مشترياتكم على قد توقعاتكم ؟! 😻
الاشياء دي أخدتها من السوق :
اتش اند ام
أشياءو الجديده اللي منزلها الباكيجينق حقها جمييييييل ، اخدت منها الشنطه دي حبيتها لأنها مناسبه ل شنطتي ال tote
في منها لونين كمان اسود وبيج على مااعتقد طبعا اكتر شي عجبني انو سحابها ذهبي ✨
كمان الرموش والاضافر كلها جميلها 〰 اتكلمت عن الأضافر اللي تتركب بالضغط قبل كدا ف انستقرامي
ودي صوره لها
من ديورانس :
اخدت فواحه وعطر للفواحه
ماحبيت عطر الفواحه كتير ريحتو تروح بسرعه ، برائيي شموعهم افضل
