انا طبيعه شعري كيرلي (مجعد) وكانت التجعيدات مرتبه يعني ممكن أغسل شعري واجففو واخرج بيلو وهوا مجعد ومره كنت أحب الشي دا ف شعري
بعد كدا صبغت معظم انواع الصبغات وجبت العيد فيلو قبل كم سنه ودي أكبر جريمه عملتها ف حق شعري 😰 بعد الصبغات خشنت الشعره وصارت التجعيده مفرفره ( يعني مو مرتبه ) وما اقدر اخليه مجعد لازم استشورو وسيراميك وحفله قبل لا اخرج 🙍
وانا كنت رافضه افرد كيراتين او أسوي اي نوع من التلميس عشان ماابغا شعري يصير مره ناعم احس مااتقبلني 😸 وبدأت رحله البحث ايش أسوي لشعري
كنت محتاره بين الاكستنسو من لوريال وبين الكيراتين العلاجي لأنهم اخف شي ع الشعر ومايخلو الشعر سايح ( مو فرد الكيراتين ) ف فرق بينهم مره كبير
ف رحت وشوفت الاخصائيه حقت الشعر و قعدت اسألها وشافت شعري ف قالت لي الكيراتين العلاجي أحسن لك عشان شعرتك خفيفه
المهم قلت بسم الله ويلا نسويه
كان ع تلاته مراحل
المرحله الاولى : تغسل الشعر وتبدأ تحط الكيراتين على كل الشعر
المرحله التانيه : التلميس ودي أطول وأصعب مرحله تبدأ تستشور الشعر وبعدا كدا تستخدم السيراميك للتلميس
وليش قولت اصعب مرحله عشان تبدأ تطلع ريحه الكيراتين وحقيقي ريحتو تضايق مع أني لابسه كمامه 😓 بس على قولتهم اللي يبا الدحا ما يقول احا 😸
المرحله التالته : تغسل الشعر وتحط عليه مثبت للكيراتين وتقريبا قعدت ١٠ دقايق وبعدين غسلت شعري تاني بعد ماخلصت من غسيل شعري اطمن قلبي 😌 شوفت شعري مجعد بس تجعيده ناعمه ومرتبه ❤️❤️❤️
بعد كدا جففتو وعملتو ب السيراميك بعد ما خلصت وجهي صار كدا 🙀🙀🙀 اول مره أشوف شعري بالنعومه واللمعه دي وبصراحه مره عجبني ما شاء الله
الخلاصه 〰 مبدئيا مره عجبني واقتنعت بيه وخصوصا انو الفكره من الكيراتين يعالج الشعر ويزيدو نعومه ولمعه
انا حاليا خلصت اسبوع وانا عاملتو ف نفس الصالون متوفر شامبو وبلسم وكريم بالكيراتين .. و اي تطورات سواء سلبيه او ايجابيه عن المنتجات اللي اشتريتها من الصالون للعنايه ب شعري حقولكم عليها ان شاء الله 💕💕
فين علمت شعري وكم السعر ؟!
عملتو ف صالون نواره .. يختلف السعر حسب طول الشعر وانا بالنسبه ليا كان طول شعري ب 2500 SR