مطعم ناديه ( المطعم العثماني ) مطبخ تركي 🇹🇷
قائمه الطعام حاليا تحت التحديث لان المطعم فتح جديد ✨
Read More
العنوان : شارع صاري قبل ستارز اڤينيو
الأحد، 13 ديسمبر 2015
الثلاثاء، 1 ديسمبر 2015
shopping haul nov
بالسوق الأيام دي جداً جميل مليان ملابس شتويه❄️🛍
الكوت دا أسر قلبي 💘 اول مره شوفتو كنت مره مستعجلة وكانت المحلات مقفوله ف قولت يلا مومشكله ومشيت 
انا اخترت الأصفر لانو جداً جميل ع البشره السمرا ويعطيها نضاره ✨😃
Read More
مشترياتي الشتويه كانت كالآتي 🤓
قعد ف بالي وانشغلت ورجعتلو بعد شهر لمن رجعت ماشوفتو فالعرض 😩 ف قلبي طاح ف الأخير الحمدلله طلع موجود 😀
سعر الكوت 1765
السكارف اكتر من 200 مني متذكره بالزبط
وكمان لقيتو في ف نورد ستورم مخفض فرق حوالي 500 ريال ✨🛍
في ألوان ثانيه عرضتها ف سناب للتصويت 💯 والموف فاز ب جداره
باالاضافه لانو اللون يعتبر جدا مميز و الألوان التانيه محايدة زي البيج و الأسود
الحاجه التانيه اللي اشتريتها 
جدا حبيت لونها من زارا كان متوفر لونين منها
خفيف جداً و مناسب للسفر للمحجبات 👌🏾
من زارا ب 399
كمان اخدت من زارا التي شيرت الأبيض اول شي جذبني العباره اللي مكتوبه عليه 😌
باالاضافه لانو حاليا مره تريندي التي شيرت الطويل مع الفتحات اللي ف الجنب 👌🏾👖✨
التي شيرت ب 69
من بيرشيكا اخدت البلوزه دي 
جداً جداً جميله ف اللبس وأحس التصوير ظالمها في منها حوالي اربعه ألوان 👚 ب99
وكمان بيرشيكا منزلين مجموعه كفرات جوال جميله 
اخدت منها الكفر دا ل أيفون 6 كنت احسبو شفاف وحبيت العباره اللي عليه ف لمن رجعت البيت طلع اسود للاسف وماعجبني 😢 وطلعت العباره تختفي مع الاستخدام 🙁 الكفرات ب 69 ريال
الثلاثاء، 10 نوفمبر 2015
Laser for face and neck
في كل جلسه الممرضة اللي تعمل الليزر تتغير ودا الحال ف معظم العيادات
ف نتيجه للموضوع دا ايش حصل ؟
اللي حصل كالاتي انو في كل جلسه الممرضة تحدد الحدود اللي تمشي عليها بالليزر وبتكون غير عن الحدود اللي مشيت عليها الممرضه اللي قبل ( مثلا الممرضه الاولى تعملي الشعر الوبري اللي ف خدودي والتانيه تكتفي بس ب السوالف )
مما أدى الى .. انو مرات يعملو لي الشعر الوبري ومرات لا مما أدى الى تحول الشعره من وبريه الى سميكه
ودا الخطا اللي حصل معايا
جهاز الياق يستخدم فقط للشعره السميكه *
بينما الشعر الوبري لو جهاز خاص ( الهارموني (
ف الجلسه السادسة عملت وجهي ورقبتي ب الياق كالعاده بس مارضيت ب نتيجه الجلسه أبدا لانها كانت غير
متقنه بتاتا
ف رجعت للدكتوره .. وشرحتلها الموضوع ف كانت موافقه تماماً عليه وانو نتايج الجلسه الاخيره فير مرضيه و قالتلي حنعملك جلسه تانيه ( ري تاتش ) بس المفاجئه فين ؟ طلع انو المفروض أوقف ليزر بالياق من قبل جلستين لانو الشعر اللي بيطلع صار وبري وعندي خيارين يا اوقف او أتحول لجهاز ثاني اللي هوا الهارموني
ف قررت اعمل جلسه الري تاتش بجهاز الهارموني
باالاضافه لكدا العياده ( مشكوره ) 💕 اتحملت مسؤوليه الخطأ عملولي تخفيض ثابت على جميع جلساتي القادمه بجهاز الهارموني
مايستفاد من القصه :
1. اذا عيادتك فيها موضوع تغيير الممرضات ف خذي معاكي ورقه زي كدا واطلبي من الدكتوره تحددلك المناطق اللي الممرضه المفروض تمشي عليها بالليزر وخليها ف ملفك
2. اذا لاحظتي تغير ف سمك الشعره راجعي
دكتورتك عشان ممكن تحتاجي انك توقفي او تغيري الجهاز اللي انتي عليه حاليا
نتائج جلساتي ب جهاز الياق :
الشعر صار قليل وخفيف و يطّلع ف أماكن قليله
سعر الجلسات :
الأسعار كانت مختلفه لكل جلسه حسب اذا في عرض او لا وكمان يعتمد على الجلسه ال كم اللي بتعمليها
جلستي الاولى كانت حوالي ب 460 ريال وبعد كدا بدأ السعر يقل (هما عاملين نظام كل ماتعمله عدد جلسات اكثر كل مايقل السعر ف الأخير ثبت على 250 ريال )
دا بالنسبه للياق
اما بالنسبه للهارموني : سعر الجلسه ٥٠٠ ريال وقالتلي انو السعر ثابت
وان شاء الله اخلص جلسات الهارموني وأقولكم ايش اللي حصل 💕✨
الثلاثاء، 6 أكتوبر 2015
Better than sex and Givenchy mascaras
المسكرتين دي صارت عشقي الابدي بالنسبه ل مسكره تو فيسد شوفت مدح عليها مره كتييير ف قولت عندي مسكرات كتير مااحتاجها ف كنت مره بشتري اون لاين وشوفت الحجم الصغير قولت يلا خليني اطلبها ف لمن وصلت واستخدمتها 😳 جمييييله نتيجتها كأني حاطه رموش 😩 ف اتربعت على عرش قلبي 👑
مسكره جيفينشي استخدمتها من قبل حوالي ٣ سنوات وكنت مره احبها بس كان عندي طبع شويا عجيب اني ما ارجع اشتري نفس المسكره مره ثانيه 😆 نفسي افهم ليش ..ودحين قلام بوكس ارسلولي الحجم الصغير منها وذكروني ب جمالها 💕 والنتيجة اللي تعطيها قريبه مره من مسكره تو فيسد ✨👌🏾
الأربعاء، 9 سبتمبر 2015
Hair mayonnaise
مايونيز الشعر 🌱 اتعب أقول المنتج دا قد ايش جميل وقد ايش يعطي ترطيب للشعر وكمان قد ايش ريحتو مره جمييييله ♥️ أبدا أبدا أبدا مالها علاقه بالمايونيز
المنتج يستخدم للترطيب و كعلاج للشعر الضعيف و المتقصف و يحتوي على اعشاب عضويه و زيت زيتون بالاضافة ل بروتين البيض 💆🏽 المنتج لو طريقتين ف الاستخدام :
الاولى يستخدم ك conditioner :
بعد ماتغسلي شعرك بالشامبو تحطي كميه تغطي الشعر بالكامل من الجذور للاطراف وتغطي شعرك لمده عشره دقايق ب قبعه بلاستيك بعد كدا تغسليه
والثانيه للاستخدام اليومي ك كريم :
تحطي كميه صغيره بين يدك وتفركيها وتحطيه من الجذور للاطراف ( مايترك اثر كريم ولا يدبك الشعر ولاكأنك حطيتي شي ف شعرك ) بس تحسيه انعم ويلمع اكثر ولو كيرلي النفشه تخف 👌🏾✨ طلبتو اون لاين من أمازون ب 34 ريال بس وحقيقي يستاهل سعر اكثر من كدا 💰
وكمان شوفتو متوفر عند بعض التاجرات ✔️
السبت، 29 أغسطس 2015
Hair fall treatment
تتذكرو اني كنت اشتكي من تساقط مخيف بعد ماعملت الكيراتين لدرجه اني كنت حاسه شعري 😭😭 من جد وقتها كنت اكره أمشط شعري لأَنِّي احسو حيخلص
Read More
وجربت منتجات لوقف التساقط كتبت عنها ف بوستات قبل وأبدا ماناسبتني وقعد أبحث لحد مالقيت اللي بدور عليه 😩😩💕
المنتجات هادي حقيقي عشقتها خلال شهر من استخدامها اتوقف التساقط الحمدلله ورجعت للوضع الطبيعي (المعدل الطبيعي لتساقط الشعر ٨٠-١٠٠ شعره ) يوميا
1.( cystiphane )
عباره عن مكمل غذائي +بخاخ للشعر
طريقه الاستخدام :
المكمل الغذائي عباره عن حبوب تاخدي (٤ حبات يوميا ) لمده شهر ( الكرتون يكفي شهر ) ممكن تاخديها نفس الوقت او ف اوقات مختلفه انا شخصيا كنت أخدها مع بعض بعد الاكل
سعرها ١١٦ ريال
بخاخ الشعر : (مده الاستخدام ١٢ أسبوع )
يستخدم يوميا لمده ٦ أسابيع ( ٧ بخات على فروه الراس ) بعد كدا تعملي مساج لفروه الرأس . يفضّل انك تستخدميه ف الليل
بعد نهايه ال ٦ أسابيع الاولى تستخدميه لمده ٦ أسابيع اخرى ٣ مرات ف الأسبوع كفتره وقايه
البخاخ يكفي لنهايه فتره العلاج والوقايه ويزيد كمان
سعرو ١٨٤ ريال
البخاخ والحبوب كانت متوفره ف صيدليه وايتس وقال انهم حيجبوها ثاني بس انا ماانتظرت وطلبتها اون لاين من أمازون 💢
المنتج فرنسي ف حتلاقو التعلميات اللي عليه بالفرنسي .. ف اللي تبا تقرا عنو تفتح الموقع الرئيسي حقهم حتلاقي كل شي بالانجليزي وانا كتبت عنا طريقه الاستخدام .. لو في اي سوْال او استفسار تقدرو تحطو ف انستقرام او سناب ✨💕
2. حبوب بايوتين تركيز 5000 تاخدي حبه وحده ف اليوم (العلبه فيها ٦٠ حبه ) تكفي لمده شهرين
توفره ف صيدليه وايتس اعتقد سعرها 250 ريال
بعد نهايه الشهر لاحظت إنّو التساقط خُف بنسبه ٩٩٪ ف النتيجه مره ذهلتني يعني انا كنت راضيه بنسبه ٧٠٪ بس الحمدلله 👌🏾
و ف نفس الشهر العلاجي عملت طريقه الانفيرجين ميثود (طريقه زيادة طول الشعر ١ إنش ف الشهر ) ف لاحظت تغييرات جذريه مع العلاج .. كتبت عنها ف البوست اللي قبل 💡
وأخيرا احب اذكر إنّو الحامل والمرضع ماتاخد اي مكمل غذائي او اي نوع من الادويه غير ب استشاره الطبيب 💗👶🏽
الثلاثاء، 28 يوليو 2015
Inversion method
الأنفيرجن ميثود ايش هيا ؟
هيا طريقه تساعد على زياده تدفق الدم لفروه الرأس بحيث يتغذا الشعر ويزيد طولو
انا شوفت فيديوهات كثيره عن الطريقه بس للامانه مااتشجعت اعملها من زمان لانو المفروض استخدم زيت وانا شخصيا اكره الزيوت 😔
فقبل حوالي الاسبوعين في بلوقر عربيه كتبت عن الموضوع وانا شعري مره مضايقني تساقطو وبهتانو والعيد جي قولت يلا خليني اجرب وكانت تجربتي كالتالي
الأدوات اللي استخدمتها
١.زيت لوز من المعصرة " احسو اخف الزيوت ريحه " بس ممكن تستخدمي اي زيت
٢. فواحه
٣.مشط
٤.قطن
٥. تي شيرت لقياس طول الشعر
الطريقه : كنت اقسم شعري بالطول بعد كدا أحط
كميه قليله من الزيت ف الفواحه(عشان ابا الزيت يكون دافئ ولمن يخلص أحط كميه تانيه اما لو حطيت كميه كبيره الزيت حيصير حار جدا على الفروه )
بعد كدا أشيل الزيت بالقطنه و اعمل مساج بالزيت لفروه راسي لحد مااخلص بعدها اعمل مساج لفروه راسي بيدي لمده دقيقه
تقريبا الموضوع دا كلو ياخد من ٣-٤ دقايق
ملاحظه : ناس كتير جربو انهم يخلو الزيت دافئ بعده طرق بس كلها فشلت لانو الزيت يبرد بسرعه ف انا قولت خليني اعملها بالفواحه لأَنِّي قبل كدا عملت حمام زيت ف صالون واستخدمو الفواحه لتدفئه الزيت وهيا الطريقه الأنجح 👌🏾
بعد كدا نجي لمربط الفرس اللي هيا الطريقه التشقلبيه :
عندك خيارات انك تتخذي أيا من الوضعيات الموجوده ف الصوره وانا اخترت اللي بالبالونه عملتها ٥ ايام واليومين الاخيرة كنت انسدح ع السرير واكتافي تكون على طرف السرير وراسي ف ألهوا بحيث اني اقدر اسيبو ينزل على تحت ( زي لما كنّا نعمل واحنا صغار 😆) وتستمر الوضعية دي ٣-٤ دقايق
بعد كدا انتي مخيره تغسلي شعرك يوميا او بعد يومين انا كنت اغسل شعري يوم بعد يوم لانو ماينفع الزيت يقعد ف الشعر اكثر من يومين عشان الزيت حيقفل مسام الشعر
قد ايش المفروض نعمل الطريقه دي ؟
لمده ٧ ايام متتالية ف الشهر وماينفع تكرريها اكثر من مره ف الشهر فروه الرأس حتتعود وحتعطي نتايج اقل
ايش النتيجه اللي حصلت عليها؟
اول حاجه وأكثر شي حبيتو لمعه شعري وشكلو اللي صار صحي جدا انا من زمان ماشوفت شعري بالشكل دا
تاني حاجه فعلا زاد طولو إنش زياده
وتالت حاجه لاحظتها انو رموشي زاد طولها ✨✨✨
حقيقي النتايج ابهرتني مع اني ابدا مااتوقعت 💗💗💗 وان شاء الله حعيدها شهريا
دي بعض الصور لنتايج التجربه وإذا تبو تشوفو نتايج وتجارب أكثر ادخلو اليوتيوب واكتبو inversion method وشوفو الفيديوز
الخميس، 25 يونيو 2015
Period plus
فكره التطبيق دا مره جميله لأي أنثى سواء ليش ؟! اول حاجه تعبي بيانتك الخاصه وبعد كدا يحسبلك متى دورتك الجيه وكمان يحددلك متى فتره الخصوبة وهادا جدا مهم للمتزوجات ✨
بالاضافه لكدا تقدري كمان تحفظي الأعراض اللي جاتك
قبل فتره الدوره
ف يساعدك جدا انتي وطبيبتك لمن تزوريها لأي سبب مثل تاخر الدوره او ف تحديد موعد الولاده لانو من اهم الاسئله اللي تسألك هيا عن تاريخ الدوره عندك هل هيا منتظمة وايش الأعراض اللي بتجيكي معاها 👸🏽☁️ في تطبيقات تانيه بنفس الفكره قد استخدمتها قبل كدا بس انا دا صار المحبب لقلبي 😺 التطبيق اسمو period plus موجود ف App Store
اذا كنتو تستخدمو تطبيقات بنفس الفكره قولولنا ايش
اسمها 👇🏾💕✔️
الأربعاء، 24 يونيو 2015
Ocean salt scrub
مقشر يحتوي على أملاح المحيط و والافوكادو و جوز والهند يعمل على إزاله الجلد الميت و ترطيب البشره يستخدم للوجه و الجسم
المنتج جداً ممتاز بعد ماتستخدميه تحسي ف بشرتك نضاره وتحسيها ناعمه ✨☁️ بس انا شخصيا ماصرت استخدمو لوجهي عشان حسيتو مره خشن على بشره وجهي ف صرت استخدمو لجسمي بس ومره مبسوطه بيلو 💗
على فكره ترى مره ماااالح كانك شربتي مويه بحر 🐳🐳😄 للاسف ماني متزكره سعرو عشان لو فتره عندي بس اعتقد ف حوالي 60 SAR
السبت، 13 يونيو 2015
Bed head deep waver
انا شخصيا مااحب اعمل تساريح اوفر وتنفيخ وحشوات ومااعرف ايش ومن احب الستايلات على قلبي الويفي ومره كنت اتعب لمن اعملو بالفير او السراميك العادي ف قولت خليني اخدلي ويفر عشان يسهلي الموضوع
وبعد بحث لاني مااحب الويفي اللي يكون صغير اخترت الويفر دا والحمدلله ابدا ابدا ماندمت اني اشتريتو يعمل الشعر مررره بسرعه وفيلو درجات مختلفه من الحراره تقدري تتحكمي فيها والنتيجه ولا اجمل 👌🏾 يعني اللي تحب الويفي وماعندها الجهاز دا مضيعه زمنها 🙊😹
كمان تقدرو تشوفو نتائجو على اليوتيوب ودا فيديو
مكان الشراء والسعر :
اشتريتو اون لاين من امازون ب29 دولار اي مايعادل 112 ريال تقريبا
الاثنين، 8 يونيو 2015
Vichy - Aminexil pro
انا طبيعه شعري كيرلي وكثيف وكانت اللفه تجي مرتبه بس بعد كدا صبغت وهببت فيلو ف صارت لفتو ناكشه ف كان نفسي يرجع زي اول لفتو تكون مرتبه
المهم فكرت وقلت يلا خليني اسوي كيراتين
رحت لنواره وعملت كيراتين علاجي اسمو إيجي ماكس وكان كويس شعري كان يتساقط بس تساقط مو مره كتير وبعد تلاته شهور مفعولو يخف ويصير شبه مافي (يعني كانك ماعملتي ف شعرك شي ) بعد كدا لمن مفعولو راح قلت خليني اجرب شي جديد مفعولو يستمر وقت أطول ف رحت لجويل وعملت كيراتين ديورا ( ديورا يخلي الشعر ستريت و مفعولو يقعد فتره طويله بس كل تلاته شهور تروحي تعملي الجذور )
وحاليا حاسه بعد ديورا اني جبت خبر شعري صار يتساقط بشكل موو طبيعي يعني لدرجه صرت اضايق أمشط شعري احسو حيخلص 😔
بدات رحله علاجيه لشعري وحشاركم بيها خطوه بخطوه لحد مااكتشف شي يناسبني باذن الله
👈🏽جربت برايورين ما جاب معايا نتيجه
الخطوه التانيه اللي جربتها دحين حتكلم عنها ✨
امبولات فيشي ل إيقاف تساقط الشعر ♦️
الكرتون عباره عن ١٢ امبول كل امبول يستخدم مره وحده
طريقه الاستخدام :
امبول واحد ف اليوم بتحط ع الفروه على مدار سته أسابيع كمرحلة علاج لما يتحط ع الشعر مايترك ملمس زيتي ( ولا يترك اي نوع من الاثار كانك ماحطيتي شي )
بعد كدا مرحله الحفاظ على النتائج ب استخدام ٣ امبولات على مدار سته أسابيع
استخدامي لها والنتايج :
بدات استخدمها وكنت جدا متفائلة بالنتائج وفعلا كملت سته اسابيع وللاسف مالاحظت اي تحسن ومعدل التساقط ابدا مانقص
وزعلت مره لانو اول مره فيشي تخذلني للاسف لانو الشركه وعدت انو نسبه التساقط تقل ٧٢٪ وأبدا ماشوفت ولا حتى ٥٠٪
مكان الشراء والسعر :
من صيدليه وايتس ب٢٨٨ ريال للكرتون الواحد وعشان تكلمي الكورس تحتاجي ٤ كراتين 📦
ووتستمر الرحله 💅🏾🏃🏽
اذا جربتو شي وكان مفيد ف للتساقط قولولي وساعدوني ف رحلتي 🚁💗👇🏾
الجمعة، 8 مايو 2015
Lime crime
عشقت ارواج لايم كرايم مع اني كنت متردده لمن شوفت شكلها كانها قلوس وانا مااحب القلوسات .
لمن تنحط تصير ارواج مات وثباتها مره جيد
انا مبدئيا أخذت الألوان المحايده للتجربة بس حرجع اخد الوان زياده 😻 💭 اول واحد اخذتو هوا cashmere هوا جميل بس ابدا مو مناسب للبشره السمرا احسو يعطي بهتان لمن حطيتو حسيت كاني مريضه بعيد الشر 🙍🏽 💭والثاني هوا riot مره حبيت لونو وانا اشوفو مناسب ل اغلب الوان البشره 👌🏽
الجمعة، 13 مارس 2015
Coal Face Lush
✔قريت عن هادي الصابونه فقولت اجربها 🙆وفعلا الصابونه اوفت بوعدها.. انا ليا أسبوعين استخدمها والحمدلله اتخلصت من الدهون والمسامات اللي كانت مزعجتني ف منطقه انفي "بشرتي مختلطه " من اول استعمال حسيت بتحسن ملحوظ 👌 فأي وحده عندها دهون زايده أو مسامات انصحها بيها ❤️❤️✨
دا الكلام اللي قريتو عنها وشجعني اشتريها 👇 أهمية صابونة الفحم Coal Face #Lush:
تلك الصابونة غير رغوية، أي لا تقوم بعمل رغوة أو فقاعات. تساعد البشرة الدهنية على التخلص من الدهون، وامتصاصها وتغليفها بطبقة رائعة من الطين الذي يساعد بشرتك على حمايتها من الدهون، ويساعد على تقشيرها.
أيضًا السكر الأسود وبودرة الفحم يعملان على تقشير البشرة، وتنظيفها. فتلك الصابونة مقشر ومنظف عميق للبشرة الشابة والداكنة الدهنية، أي يقشر البشرة حتى تحصلي على تفتيحها، ونظافتها، حضرته شركة Lush لك من الفحم لكي يتحكم في دهون البشرة، فهو يحتوي على زيت الأفوكادو المنعم للبشرة بشكل رائع، والطين المغربي، وهو مضاد للبكتيريا، وزيت خشب الصندل وزيت الورد الجوري اللذان يساعدان على إعطاء بشرتك نعومة عالية ورائحة مثالية.
تلك الصابونة تساعد على تنظيف وتطهير البشرة والجسم من الدهون والجراثيم، بالإضافة إلى تقشيرها.
أما الزيوت الموجودة بصابونة الفحم والجليسريين يساعدون البشرة على تهدئتها وترطيبها.
من أهم فوائد صابونة الفحم من Lush أنها تساعد بشرتك على التخلص من الحبوب والبثور السوداء، وتجعل بشرتك رطبة دومًا.
السبت، 7 فبراير 2015
How to make your shoes bigger
كلنا قد ورطنا ف شوز نقيسو ف المكان يطّلع كويس بس لما نلبسو ونخرج ونقعد فتره طويله نكتشف انو مضايقنا يا يكون ضاغط على اصباع او على عظمه وعاد الرجول ي حرام تصير وارمه ويصير الشوز دا كابوس يعني انا عن نفسي واللهي احيانا احس حتى مابدي اشوفو من كتر ما زعلانه انو يالمني 😔
وصرلي الموقف دا قريب اشتريت جزمه "وانتو بكرامه " جلد وكانت كويسه ف المحل ولبستها ورحت بيها فرح وضغطت ع اصباعي وجابتلي الجنان والله وقَعَدت صامده طول الليل ف لمن رجعت البيت مااحكيلكم مني قادره اشيلها من الالم
المهم قعدت يومين وانا أفكر ايش اعمل فيها و ف شبيهاتها من الشوزات اللي عندي لانو مو منطق انو كل ما وحده تضايقني ما البسها وخصوصا اذا كنت احبها 😅
وبدات أدور ع طريقه تخليني أوسعها ف البدايه كنت مترددة اني اجرب الطرق الكلاسيكيه يعني وحده بتقولي حطي جولتها كيس مويا وحطيها ف الفريزر ف طالعت فيها كدا انو لا مو من جدك اني أقدر أحط شوز ف الفريزر
ف بحثت ف طرق توسيع الجزمه الجلد وكانت الطريقه اسهل مما اتخيلت
الأشياء اللي احتاجها :
1.شراب صوفي
2.استشوار
الطريقه :
1.البس الشراب ويعتمد على نوع الجلد لو خفيف البس فرده وحده من الشراب لو ثقيل البس فردتين على بعض
2. البسي الجزمه "وانتو بكرامه "
3.وجهي الاستشوار ع المكان الضيق لمده 20 ثانيه
4.حتحسي الجلد صار دافئ ف خليه لحد مايبرد
5. جربي الشوز ب مقاسو الجديد
ملاحظه :لو حسيتي لسه ضيق وتبي تعيدي عليه مره تانيه بعد مايبرد تقدري تعيدي عليه 20 ثانيه وتخليه يبرد ..المهم انو مانخلي الحرارة تطول عليه
دي الطريقه بس للجزم الجلد ماتنفع للقماش والقماش لها طرق تتوسع بس انا ماجربتها شخصيا لو جربتها حقولكم 😸
انا جربتها على جلد زارا والدو ولوبتان وكلها زبطت الحمدلله 👌💭
الثلاثاء، 13 يناير 2015
Newyork cab pizza
البيتزا دي مره فظيعه ماشاء الله والميزه فيها انها خفيفه ماحسيت بتخمه بعد مااكلتها وكمان تقدري تختاري اكتر من نوع ف نفس البيتزا 😻
وحجمها كبير ماشاء الله المهم اني مره حبيتها اول مره اروح لهم ومره زعلانه اني ماعرفتهم من زمان 😸
سعر البيتزا 45 SR 🍕🍴
الاثنين، 12 يناير 2015
Planner 2015
المفكره من مشترواتي اللي وصلت امس مره عجبني لونها اول حاجه وكمان الحاجه التانيه اللي حبيتها انو فيها مخطط شهري واسبوعي وكمان ف النهايه في أوراق للملاحظات والأسماء وكمان فيها كاتبين فيها المناسبات العالميه 🌸 موجوده ف تارقت لكن احنا للاسف ماعندنا تارقت ف
نطلب اون لاين فـ انا اخدتها من امازون بـ27 دولار
لو حبيتيها تقدري تلاقيها ف امازون لمن تبحثي بـ :
Sugar paper gold✨
الاشتراك في:
الرسائل (Atom)
