انا مره عاجبتني فكره الفلر .. انك تحددي ملامح وجهك من غير عمليه جراحيه وتخفي الخطوط اللي ف الوجه وكتير من صاحباتي عملوه وأعجبتني النتائج وصرت اسأل واقرأ لانو ماحسلم وجهي لأي احد انا مااعرف خيرو من شرو وبعد البحث استقريت ع (د.عباده قابيل ) ف عياده كايا وقلت بسم الله ورحت اول يوم رحت كان مره زحمه وقالتلي لو تبي موعد اقرب موعد تجي حيكون بعد ٣ أسابيع او تجي بدري قبل الدكتور المهم اني رجعتلهم تاني يوم بدري ودخلت ل الدكتور اول ودخلت عندو وقولتلو ايش نفسي اسوي وكدا .. بعدين قلي انتي مايحتجلك شي ما شاء الله😳😳 انا قلتلو ليش ؟! انا ابا اسوي ف شرحلي ليش ماينفع وأقتنعت والحمدلله خرجت سعيده
الفكره العامه من الموضوع انو اغلب دكاتره التجميل لو رحتيلهم يسويلك طلبك اللي تبيه سواء حترضيكي النتايج ولا لا لانو اولا وأخيرا الدكتور يعرف اكتر من المريض احنا نشوف أشكال ونتايج ع الناس وتعجبنا ونفسنا نسويها ف نروحلهم عشن يساعدونا بدال مايضحكو علينا ويأخذو فلوسنا ف حقيقي أبا اقول شكرًا مليوون مره للدكتور أنو بيسمع طلبك والشكل اللي تبغيه ويقولا اذا ينفع ولا لا وايش الأسباب 💖💖
