مساء الخير , بناء على طلب كثير منكم وسؤالهم عن مركز العنايه بالشعر والبشره انا راح احكيلكم قصتي 😄
زيارتي لهم كانت على جزئين :
الزياره الاولى :
كانت ف شارع الامير سلطان مركز طبابه ، اتصلت عليهم و سألتهم هل ممكن أجي دحين لأَنِّي كنت قريبه ف قالولي طيب
شوفت الدكتوره وقلتلها عن التساقط اللي كان عندي ( لو تتذكرو قولتلكم قبل فتره كان عندي تساقط مخيف )
المهم فحصتلي فروتي بجهاز كشف الفروه ف ظهر انو شعراتي كانت ضعيفه ف نصحتني ب البلازما وورتني صوره ل نتيجه البلازما ف عميله سابقه بعد ماخلصت جلسات البلازما كانت النتيجه انو طلع لها بيبي هير
وشعراتها صارت اقوى
ف أقنعتني جداً أني اعملها بس للاسف وقتها كان عندي اختبارات ولازم مع البلازما أزور المركز كذا مره ف الاسبوع ومره ماكان عندي وقت
ف قولتلها اخلص اختباراتي وارجع ان شاء الله ، وسألتها اذا كنت اقدر اعمل الجلسات ف فروعهم التانيه لانو دا بعيد عن بيتي قالتلي ايوا ليا مطلق الحريه اعمل ف اي فرع ابغاه
وأعطتني امبولات تساقط قالتلي هادي نفسها اللي حنستخدملك هيا مع جلسات البلازما استخدميها حاليا و حتخففلك التساقط بشكل كبير لوقت ماتبداي البلازما
اشتريت الأمبولات مع الشامبو بس بعدها قررت اني ماااستخدمها انا بنفسي ، قولت خلاص اخليها لمن ارجع لهم يعملوها ليا
وبكدا خلصت الزياره الاولى
الزياره الثانيه : بعد ماخلصت اختبار رجعت ل مركز العنايه بالشعر والبشره ، رجعت ل فرع الخالديه ودخلت عن الاخصائيه ، ف قولتلها اني جيت ابغا اعمل بلازما
شافت شعري قالتلي ماينفع اسويلك هيا دحين ( لأَنِّي كنت عامله امازون "كيراتين " قبلها ب اسبوعين تقريبا "
قولتلها طيب خلاص انا بعد ٣ شهور ان شاء الله حرجع واعمل ، وقلتلها طيب ابغا أسوي شعري بجهاز إزاله التقصف
قالتلي لا احنا مانعملو لوحدو لازم معاه حمامات زيت 🙄 قولتلها طيب شكراً
، سألتني اذا كان عندي منتجات عنايه بالشعر قولتلها ايوا ، بس اذا في شي كويس وريني
قالتلي طيب ونزلنا تحت لمحل المنتجات وجابت مجموعه كامله ( شامبو وبلسم و ماسك ، وواقي حراره ) ،قولتلها ممكن ترشحيلي المنتجات قالتلي احنا بنعطيها لأي وحده شعرها معالج 🙄 وسكتت الجواب ماكان مقنع أبداً لانو حتى الشعر ➖
المعالج انواع في جاف وفي دهني في ناعم وفي كيرلي، بالاضافه لكدا احتاج انها تشرحلي طريقه استخدام كل منتج
ف قولت خليني أصور المنتجات عشان اقرأ عنها براحتي ، ف قالتلي ممنوع تصوري المنتجات 🚶🏽قولتلها طيب
وقَعَدت اقرأ ايش مكتوب عليه ف انا ب اقرأ قالتلي ( انا ماعم اضحك عليكي وانا وانا ) انا وجهي صار 😳😳
قولتلها انا ماقولت انك بتضحكي عليا ، انا مني فاهمه شي عن المنتج ومن حقي اني افهم قبل لا اخدو
قالتلي طيب على راحتك ، وصارت واقفه فوق راسي انا انزعجت و قلت خليني اخد الشي اللي انا محتاجتو ( واقي لحمايه الشعر من الحرارة ) وخرجت 🚶🏽
مايستفاد من القصه :
١. مره انزعجت من تعاملها وتركت عندي انطباع جداً سيى ، لأَنِّي كنت متحمسه اعمل البلازما وخدمات تانيه عندهم بس بعد زيارتي التانيه حسّيت اني أبداً مابدي ارجع تاني
٢. أبداً لاتشتري منتجات انتي منتي ولا عارفه كيفيه استخدمها لانو الاستخدام بطريقه خاطئه غالباً مايجيب نتيجه
انا هادي تجربتي معاهم ، بس مااقدرت احكم على خدماتهم لأَنِّي ماجربت ولا خدمه عندهم .. بس انتو اذا جربتو قولولنا عن تجاربكم ف انستقرام 💛✨
Read More