Shopping haul Jan

التخفيضات كانت مستمره ف يناير بس السوق لا يقارن ب ديسمبر لانو كانت اغلب التخفيضات ف بدايتها ✨🛍

ونبدأ الهول ب الملابس 🤓 اخيرن اشتريت منكيان لانو زي ماقولت انا وزي ما انتو قولتولي بعض الملابس بتنظلم ف الصور من غير منيكان 

حقيقي شكراً لكل وحده بتعطيني أفكار 💡💕💡💕

نبدأ ب زارا  

تخفيضات زارا كانت جميله ، يعني حتى بعد فتره من بدايه التخفيض رحت كم فرع وقدرت ألاقي أشياء عجبتني و مقاسي متوفر لانو المقاس ازمه ( دايمن مقاس ميديم مخلص ومقاس 39 ف الشوزات 😶 ) 

أوقات كتير احس انو نفسي مقاساتي تتغير 😭

حبيت لونو ، وحبيت انو يجي كذا تنسيق ، وحلو ف السفر كمان مره عملي  ✨

 الفستان دا اخدتو بمحض الصدفه 😹 لمن سافرت المدينه بدون شنطتي عشان البوابه قفلت 🏃🏽⏳

حبيت فيه انو بسيط وشكلو جميل ف اللبس واقد اتحكم فيلو بالاكسسوارات 💡

البلوزه مقاسها خفيف وشكلها عادي من قدام  بس فكرتها كلها ف الضهر ✔️✨

مره عجبتنيي 

موجود منها لونين اسود و اورنج 💡 

البلوزه دي كمان حبيت لونها وحسيتها تجي جميله مع بلوزه هاي نك 👍🏾

ريفير ايلاند 

لاڤي ان روز 

اخدت من عندهم ٢ روب وكانت تخفيضاتهم جيده بالنسبه للبجايم بس أشكال اللانجري حقتهم مو كثير عجبني 

بس كانو منزلين كوليكشن خاص للعرائس كان جميل ولطيف اخدت من الكوليكشن روب و لانجري  

الروب دا حبيت التفصيل اللي عليه مكتوب ب كريستالات MRS 

حلو يتلبس من بعد الملكه ف الصالون و في شهر العسل ✨ 

عندي مسمى جديد ف ح احتفل بيلو 😹 (from miss to MRS ) 💍

اخدت الروب مره عجبني قماشو ، بس العيب ف قماشو انو لازم التعامل معاه بحذر وكمان يظهر اي عيب ف الجسم ف يبالو جسم رشيق ✨💡

فروع لاڤي ان روز : 

جده : 

السلام مول 

هيفا مول

الجامعه بلازا 

مكه : 

سوق الحجاز 

الشوزات : 

من زارا 

ماعندي شوزات بيضا كتير بس دا مره لفتني حبيت شكلو ف اللبس يعطي الرجل شكل جميل ، بس متعب 😓 يعني حق سهره  ماحتحرك فيها و ل احتياطات السلامه اخدت اكبر من مقاسي عشان ممكن احط فيلو أشياء عشان مايعزبني 🌚✋🏾

سعرو 179 

شوفتو كمان ف السوشيال ميديا شوفو كيف شكلو ف اللبس 😍

 واخدت الفلات دا من تخفيضات ديون ، للاسف الرجال أعطاني اصغر من مقاسي 😶 وماانتبهت الا لمن لبستو وعزبني 

سعرو: 

فروع ديون : مجمع العرب ، ردسي مول ، السلام مول 

الهيل دا يشبه ستايلات كايلي جنينر يطّلع شكلو جميل مع فستان ماكسي ✨

لقيتو ف تخفيضات ستيڤ مادن 

فروع ستيف مادن : 

جده : السلام مول - هيفا مول 

مكه : مكه مول  

تخفيضات ميلانو كانت من التخفيضات اللي جدا جيده المكان مليان اشكال و مقاسات كان التخفيض يوصل ل ٧٠ ف الميه 

اخدت الشوز دا ب ٧٠ او ٧٥ ريال تقريبا ومااقدر اوصفلكم قد ايش مرررريح ✨

الشنط : 

اخدت الشنطه دي من تشارلز اند كيث نزلت السوق ف رمضان الماضي تقريباً شوفتها وكنت متردده فيها بس دحين لقيتها ف التخفيضات ب نص قيمتها ف أخدتها وابداً ماندمت 😩 مره عمليه وجلدها تقيل ✨

وأحس فيها شبه من شنط فيليب ليم من ناحيه السحابات 

السحابات تتحكم ف حجمها ممكن تخليها كبيره او تصغريها

وهادي شنطه فيليب ليم 

فروع تشارلز اند كيث : 

جده : السلام مول - هيفا مول - الاندلس مول -العرب مول  -الجامعه بلازا 

مكه : مكه مول 

الاكسسوارات : 

اخيراً اشتريت نظاره نظر جديده كنت مابا اشتري لأَنِّي ناويه أسوي عمليه تصحيح بس كل شويه ااجل الموضوع 🤓

 ف شوفت النضاره دي مره عجبتني من فندي شوفتها على اليشا كيز ف إمباير بس بلون احمر 

هيا اصلن شمسيه بس انا خليتها نظر 🤓

النظاره بلونينها موجوده ف محلات العربي للنظارات 

فروع العربي : الردسي مول ، التحليه سنتر 

وأخيراً : 

من زماااان أدور على جهاز بخار كويس وشكلو يعجبني وشوفت دا ف امازون وقريت ريفيوز كويسه عنو وكنت حطلبو 

بس لقيتو ف مجمع الشرق 😍

 ف ان شاء الله اجربو واكتبلكم ريفيو عنو لو طلع كويس ✨

ملاحظه : 

1.فروع المحلات حسب ما أتذكرها  لو متذكرين اي فروع تانيه اكتبولي هيا 💗

2. كل اخبار التخفيضات اول ب اول بتكون ف سنابي milameow7 👻