وطبعا هدا ينعكس على اني ف كل صوري مااضحك 🌚 أحب شكلي اكتر بس ب ابتسامه
المهم حسّيت انو مو عاجبني الموضوع لازم يصير عندي صور ب اضحك 🤓 مع العلم انو أسناني مرتبه و قد عملت تقويم قبل كدا بس برضو لِسَّه ماني راضيه
ف انتبهت بعد مافكيت التقويم انو لثتي شويه عريضه ف رحت لدكتور عملي قص لثه بس برضو النتيجه ماعجبتني ف استبعدت انو اللثه هيا المشكله وصرت مني عارفه ايش اعمل عشان أوصل لنتيجه كويسه ف بدور على دكتور كويس يدلني على المشكله وحلها
بعد كدا شوفت قريبتي عامله فينير بس شكلو جداًطبيعي ولونو كمان ف حبيتو ماشاء الله قولت خليني أزور دكتورها
هادا اسم الدكتور ، وحجزت موعد عندو ورحت
شرحتلو ايش مشكلتي وايش رأيو اذا مناسب ليا اعمل فنيير او لا ؟
فكان جوابو كالتالي : انو اللثه مازلت عريضه ومغطيه السن ف معطيه السن منظر قصير ، وانو مبدئياً اعمل قَص للثه واذا النتيجه ما اقنعتني بعدها ممكن نلجأ للفنير ✨
حبيت خطه العلاج وقولتلو طيب ، وبدأنا الرحله ⏳
حولني لدكتور تاني اسمو دكتور ( بدر ) واخدت موعد عندو وكانت المواعيد ك الآتي
الموعد الاول : بدأ الدكتور يشتغل على قَص لثتي بالليزر بعد مااخذ مقاسات أسناني وقد ايش حيقص وبدا القص بعد ماخلص لاحظت فرق بس مهي النتيجه الاخيره
*قص اللثه تم بتخدير موضعي ( الجل ) وبالنسبه ليا احسو غير مؤلم
الموعد الثاني : كان بعد اسبوع تقريبا عملنا تعديلات بسيطه بس ماظهرت النتيجه بشكل كامل عشان اللثه ماتعافت كويس
الموعد الثالث : كان بعد اسبوع من الموعد الثاني وظهرا النتيجه الاخيره وكانت مرضيه بنسبه 95%
والدكتور عملي بعض التعديلات
بعدها ب حوالي اسبوع ظهرت النتيجه الاخيره 😻😻😻 وكنت راضيه عنها بنسبه 100% حقيقي الله يعطيهم العافيه الدكتورين ( عبدالرحمن + بدر ) يقولولك ايش تحتاجي بكل امانه وماتخرجي من عندهم الا وانتي راضيه ✨
الحجز عندو يكون عن طريق السكرتيرة حقتو ، لمن تتصلو على المركز حيعطوكم رقمها
فروع المركز :
طريق المدينه
شارع الامير سلطان
0 التعليقات:
إرسال تعليق